來自友台http://agnestse.blogspirit.com/的禮物。如無意外係本新聞台最後的文章

（1）你今年最常去哪一間戲院睇戲？

UA沙田，幾十次。

（2）你最喜歡哪一位導演？

Stanley Kubrick，將來應該係王家衛。生人永遠著數。

（3）你最喜歡哪一位演員？

@演員係Robert De Niro，@明星係Audrey Hepburn。

（4）今年哪一齣電影最令你驚喜？

《你，我，他她他》(Me and You and Everyone We Know)。估唔到美國出左一個識得自編自導自演自剖的才女，而且觀眾今次唔駛忍受Woody Allen級的尊容。

（5）今年哪一齣電影最令你失望？

《The Omen》(凶兆) 吧。仲以為重拍電影差極有釘，原來Casting可以令爛船渣都冇。

（6）你有沒有試過看戲看到流淚？

試過差d流眼淚。 (見問題15)

（7）你會不會一個人去睇戲？

拍拖後少左好多。最近係《韓流怪嘛》。

（8）你最近看了哪一齣電影？

《花樣奇緣》。導演花樣唔係真係太多，故事倒算係一段奇緣。

（9）你最想哪一位去世的導演復活再拍戲？

好多，特別係Jean Vigo，想睇下佢可以去到邊種地步。

（10）你最喜歡哪一套外語電影？

《A Clockwork Orange》(發條橙) 。

（11）你最喜歡哪個國家的電影？

荷里活黃金年代的電影。喜歡那個時代，亦喜歡那些粉飾出來的浪漫。

（12）你最喜歡哪首電影的主題曲？

來自《Top Hat》的Cheek to Cheek。我喜歡歌曲本身。《The Purple Rose of Cairo》(戲假情真)、《The English Patient》(別問我是誰) 和《The Green Mile》(綠里奇蹟) 在運用本曲上其實大大勝過原作。

（13）你最珍惜的VCD或DVD電影收藏是？

我本人拍攝的第一套獨立短片，如果那叫做電影的話。

（14）The worst movie that you have seen...

同上……

（15）如果讓你選一套戲拍續集，你會選……

唔鍾意續集。如果一定要選，係令我睇得好唔愉快的《赤裸杰羊》。希望拍續集時任達華可以縮開佢隻手。

（16）你覺得自己最似哪部片的人物？

《Paris, Texas》(德洲巴黎)的主角Travis。

（17）翻看最多次的電影是哪一部？

唔鍾意翻看電影。對我o黎講翻看的最大價值係陪(監)本來唔會睇套戲的人睇一次。咁應該係岩井俊二的《情書》；為左迫家人、朋友、女友都睇，約莫睇左六次。

（18）如果有一個演員可以「從此消失不再拍戲」，你會選誰？

有一個本以為淡出了的演員，近年給我一種想再戰影壇的感覺。我其實很希望他不再拍戲。與其蒙受再哄不到觀眾笑，角色又愈做愈次的屈辱，不如多留在『家中』陪他的千金小姐。

（19）如果容你改寫一部電影的結局，你會改哪部？

《Casablanca》(北非諜影)。以現代的眼光來看，Humphrey Bogart讓位成全Ingrid Bergman和Paul Henreid那一幕實在太大男人，婦女組織睇左都可能會咬牙。應該改成Ingrid Bergman自我犧牲，讓兩個生命中最重要的大男人Humphrey Bogart和Paul Henreid可以齊齊依偎飛機逃命，最後改由Ingrid Bergman對Claude Rains講 “I think this is the beginning of a beautiful friendship.”

講真，最想改係杜魯福的《柔膚》。佢係我睇過最漂亮的偷情電影。男女主角偷摸左一晚後響旅館冇做愛，反而柔膚一番，拍出左超越愛慾的神聖關係。但情婦結尾的轉軚簡直係強行回收呢種輕撫式溫柔，殺死左呢套電影!杜魯福電影的悲慘結局已經太多，相信佢唔介意高抬貴手俾我改一次。

（20）哪幾部你最想看、而未有機會看過的電影? (來自Agnes的問題，也抄下了，20條感覺會完整些)

即刻諗到係似水流年、Campanadas a medianoche、Seconds(洛克遜演)、少年(大島渚)。