星期三你又好似以往咁去接我放學。
番火星嘅路上你問我系咪唔開心，做乜唔出聲。
其實我唔系唔開心，我唔出聲系因為我想多聽你講。

你話你每次想同我好好溝通，但系一開佐個頭就俾我一句頂埋去，你就無佐下文了。
你話你同我講肥仔換佐個137嘅電話嘅時候我頂佐你一句‘關我鬼事咩’，跟住就唔想再同我講呢件事。
我估唔到你到依家都仲記得我講過呢句話，你唔提起我已經完全唔記得了，我今日睇番D聊天記錄，先諗起，原來我真系有講過，不過呢句話僅僅系針對‘肥仔換佐137嘅電話’，並唔系針對你要同我講嘅事。
你要同我講嘅應該系‘肥仔揾你’嘅呢件事而唔系‘肥仔換佐137嘅電話’呢件事。
對於我而言，‘肥仔換佐137嘅電話’呢件事的確唔關我事，而且我亦都唔需要去關心，我關心嘅，只系你。

你話你想同我好好溝通，系想得到我嘅理解同支持。
潛台詞系‘你唔理解我同支持我’。
我希望你下次再打呢句話嘅時候可以厚道小小（番佐陳Sir嘅版），我同你已經行過佐15個月，我自問仲系對得住你對得住自己。

你問我‘成日系個群度話要揾情人系咪真系想揾？’。
我睇到嘅時候我個心真系涼佐半截，我諗我要揾嘅我唔會俾你知，亦都唔需要咁張揚。
但系我仍然為我嘅呢個舉動同你道歉，因為我無考慮到你嘅諗法。

鴨鴨成日話我任性，大小姐脾氣，話再系咁落去你會忍唔到我。
特別系你同我講佐呢D嘢之後佢鬧佐我唔少時間。
所以，我唔敢再貿貿然咁講嘢，我驚講得唔啱，你有D乜事唔再同我講，我寧願多聽，亦都唔要做多講嘅果一個。
用我同加拿豬講嘅話‘我要逐只字逐只字諗過度過我先敢講’。

我以為只要唔系你本身嘅事，我就可以暢所欲言。
但系你今日同我飛短講你大哥嘅事嘅時候，我覺得複短都好似作文咁，因為佢系你嘅家人，我怕我講得太直你會覺得我唔尊重你嘅屋企人。

你可能會覺得我將聊天記錄截圖好無聊，但系我只系覺得入面有好多令我覺得好sweet嘅話，系某D我覺得心淡嘅時候，佢哋令我有番信心。
就好似一堆就熄嘅火，再加D柴落去咁。


好了，我暫時嘅情況就系咁。
我唔出聲，並唔系因為我唔開心，而系我想多聽你講你嘅事。