我从来无系猪鼠面前喊过……
虽然有几次我喊佢都知道……

但系我今日系猪鼠面前喊佐几次……（真系丑怪啊……）
猪鼠见到我喊佢又喊，佢话见到我喊佢心痛……

起因系老豆……
佢话猪鼠唔番工，成日系度~
佢话佢无责任帮人养女~
佢话我开声佢就以后都唔使嚟，你开声嘅佢间唔中嚟下都仲可以！
最后佢讲佐句好难顶嘅话：呢间屋唔系你嘅，如果你有间屋嘅你钟意留几耐都得！
咁言下之意即系我都无系呢间屋住嘅资格……

其实一开始就系错嘅~！
由大八婆要买呢间屋，你要供呢间屋开始就系错嘅！
既然你无咁大个头做咩要戴咁大顶帽呙！
你想戴大帽系你嘅事，咪拉我落水先得架！
搞到要卖佐机场路间屋，如果唔卖，我依家使乜寄人篱下，使乜想同阿妈住下都唔得吖？！
你自己唔掂就咪系度做埋晒D咁小气嘅嘢先得架，你仲系咪男人啊你？！

由阿妈走佐开始，我觉得老豆好大，好似成个天咁，有咩事都会有佢撑住……
但系依家，呢个‘天’，简直就唔似一个男人！
一D男人嘅气量都无！
由我同佢讲佐我系LES之后佢对我同猪鼠嘅偏见就未停止过~！
好似我系LES就唔系佢个女咁！
我系LES佢都有责任架！
系佢俾我知道男人系靠唔住信唔过嘅，系佢令我知道男人都系要出去滚嘅！
无可否认，佢系一个好老豆，但系仅限于知道我系LES之前~
我对佢只有‘失望’~
我选择俾佢知道我系LES，完全系出于对佢嘅信任，我觉得佢系咁理解我，佢会明白同支持我嘅，但系我换嚟嘅只有歧视同偏见！


TO：老婆仔……
宝宝好挂住你啊……