0係一個普通0既返工日子, 一條友食飯時, 忽然電話響.

一睇來電顯示, 原來係一個0係我好多年前讀書時同佢補習過0既女仔.

佢係我0既'長期客仔'-- 讀書時, 只有三年同人補過習, 有兩年我同佢補習. 佢雖然細我7 年, 不過我都當佢係朋友. 只係, 出來做事後太忙 (不論在公司或者在私 :P), 一時間少左聯絡.

佢打0黎, 我第一句就好公式咁問 '呢排好la, 唔使返學, 有乜世藝呀' (註: 當時sars 高峰期所有學校停課)

點知佢答 '返乜鬼0野學呀, 我差唔多考0西a-level la, 仲差一科ja~'

手中筷子舉0係半空中, 一時無言. 係時間過得太快, 定係我老左太多, 所以混淆左時間?!

暫時約定0係佢考埋最後一科後見個面.

收線前, 我問佢平時係咪太忙 (其實太忙0既係本人:P), 所以電話都冇個? 佢答得非常簡單直接, 一如多年前0既佢 '有段日子擺烏龍唔見左你電話呀, 最近搵番咪搵下你lor. 我之前諗住你會搵我ga ma...'

好多時疏遠就係咁樣發生.....