8 月某日, 離開屋企返工撞到百合, 佢電左頭髮(佢話佢電髮時撞到魚蛋, 真係好邪~~)。我同佢講, 呢排我公司好多工友都電左髮。百合反問：「咁佢地係咪都遞左辭職信?」0個陣至知佢決定10 月先陪佢阿媽去歐洲旅行, 再留0係法國波爾多兩個月讀法文. (不過後尾佢老細俾佢放三個月大假, 不過要百合諗理由-- 唔知咁樣叫好定係唔好)

另外, 魚蛋七月俾人lay off 之後, 原本佢老豆想借錢俾佢做生意, 不過後尾又唔肯. 然後, 佢話香港而家咁難搵工, 會考慮到楓葉國做0野......

忽然覺得見佢地0既時間越來越少, 加上又有感於可以去玩0既機會同時間唔多, 所以 9 月5 日星期四同佢野唱k. 當時我係做0野做到八點幾, 佢地自己約又約唔到(真係估唔到咁都有溝通障礙, 我果然係 contact person 0既professional, haha~) , as a result, 我0地0係CWB 某間karaoke 唱歌。 0個晚我博命唱, 又飲多兩杯, 至多第日唔返工lor......但係結果我都係有番工, 仲係好正常0個種, 不過就好倦同頭痛~

唔知我老左(如果我平安大吉的話) 仲記唔記得曾幾何時癲過?