最近阿dee sent 左封forward email 俾我, 大概意思係要同朋友keep in touch, 唔好因為一d 個人機遇而疏遠.

原來我已經大半個月冇同阿dee 吹過水, 而比較深層d 0既small talk 更已經係去年聖誕節0既事.

趁返工偷閒時間, 趁今日心情好番d, 就打番電話俾佢.

'阿dee, ah b 呀, 講唔講到電話ar'

'ok la'

我一時間竟然唔知講乜0野話題, 但係我知道我一定要發聲, 如果唔係就會好似佢0個封 email 咁樣.

我由我0地其中一個玩band 0既 common friend 講起.

之後講講下就講番佢forward 0個封email.

阿dee 話, '咦, 原來封email 都有用ga bor'

我心諗, 你都係諗住我發生左d 0野然後唔多出聲, 所以至彈封0野過0黎0者.

我答, '我... 呢排倦d, 未回魂0者'

點知阿dee 講 , '我都覺得你呢排好憔悴, 不過你要講0既時候會講ga la. 況且我又冇乜energy, 所以...'

我都老老實實, '我呢排係有d 唔開心, 不過我知點做, 而家件事又淡左, 咁就無謂提la'

'下? 我覺得你好耐之前已經係咁la bor... 不過前兩日個情況更差' (note: 前兩日我同阿dee 若干人等上 training course, 當然, 當時0既我粒聲唔出)

佢話 '好耐之前', 已經係去年十二月0既事.

我答 '十二月我冇0野喎, 都係一月尾至開始之ma' 其實係我十二月至一月中太專注於某事物, 訓得太少, 消耗太多energy 所以至咁倦.

後來轉換話題, 直到有0野做至收線.

原來關心, 有時都會無從說起. 大家都有自己0既concern. 因為太專注la, 所以忽視身邊事物-- 再美好, 都變成invisible, 都以為無, 所以生活變得灰, 人與人之間都變得冷淡.

放眼四周, 從來都知易行難.