我記得某日同另一個小妹妹 (其實後來知道佢只不過細我四年, 咁就要叫人妹妹, 係度恃老賣老, 唉~) 0係某個義工活動合作.

我識佢一年都無, 見過唔夠十次, 同佢更加唔係好好朋友. 但係, 佢講左一d 不為人知0既事俾我聽. 而我從來都無過問過、'套'過, 旁敲側擊過. 完全係佢好自願咁講俾我聽.

件事對佢0黎講, 已經過左去一年半載, 但無疑係一個好大0既打擊.

然後我贈佢一句 (聲明, 我唔係串佢) '阿 xx ar, 你... 而家冇乜0野好做ga la, 投入生活, 放眼四周 la. 過去你又改變唔到, 為左d 改變唔到0既0野, 而令到你而家一片空白, 咁又何必呢'

我記得當時佢答我 '我好投入而家0既生活ga. 我又做乜乜la, 物物la... (從略)'

'但係你冇放眼四周ma... 俾d 時間自已la, 唔好諗咁多la' 我講完就轉左話題.

估唔到我而家至知, 我都係-- 講就天下無敵, 做就有心無力.