元宵過左, 代表新年都完埋. 一切生活照常.

太陽之下無新事, 只不過, 感受人人唔同. 對我0黎講, 並唔係因為件事0係其他人眼中唔係點樣0既一回事, 我就可以當唔係點樣0既一回事.

最近香港凍得不知所謂, 完全唔似新春. 我心情同天氣一樣. 日頭迷迷糊糊夜晚眼光光, 結果都係忙亂而模糊渡過每一日.

叫左自己好多次要振作, 但係每日由睜開眼至合埋眼訓覺都係想住揮之不去之事情.

想唔諗, 成日記住, 覺得受住無形0既束縛, 好辛苦.

忽然想0係成條街都係人0既銅鑼灣sogo 對出0既大路口, 大叫-- 救‧命‧呀!

(rev1 on Feb 8 12:20 am)--
我唔係唔知應該點做, 但對我0既感受一d 幫助都冇. 正如好似一個患重病0既醫生, 佢知點用藥, 知道應該點樣治療. 但並唔代表佢完全冇痛苦, 個傷口仍然0係度.

請唔好問我發生左乜0野事, 我要講0既時候, 會講. 我唔係唔想講, 只是, 一觸動心入面0既感受, 我就講唔到落去.

時間可以將事情丟淡.

至少, 我相信係咁樣.