昨日 (即是02 年6 月10 日) 下午接近放工時刻, 墨魚丸走過0黎我同雞丁張檯, 仲搵張椅坐低, 一睇就知有d 唔普通0既0野要講。當我以為佢講幾日後有客到0既事時, 佢就出聲, 同我0地講, 佢要同佢老婆去花旗國, 所以就辭左職。

我0既反應只有呢個(當然係心入面有呢個反應, 唔係表現出0黎)-- :O

墨魚丸仲同我0地講, 已經拍板邊個坐佢個位。佢講左個名出0黎, 我就真係忍唔住做左 :O 0既表情出0黎。

雞丁未見過準boss, 所以唔知點解我咁奇怪。其實佢正是軟件組(某部門一個, 都有唔少機會合作做0野)0既阿頭。而家升(唔知佢係咪升)左做呢個完全冇關0既部門, 又真係好鬼au 頭... 點解要係佢? 咁又要輪到邊個做軟件組阿頭呢?

墨魚丸0係度做左成十幾年, 居然話走就走, 仲要走到花旗國咁遠, 姑勿論係咪under unfavourable condition (well, 無可否認, 實有派系鬥爭), 真係要走0既時候, 個心又會有若干掙扎 (well, 不過我又唔知佢會唔會做番呢個field?? 好難講, 但係, 咁又點?) 魚蛋同我講, 我都預左佢走, 佢講0既係事實-- 唔好誤會, 我唔係咒佢, 而係我真係冇0個種我老細會做到退休0既預感, 我覺得同掉佢北上若多若少都有d 關係。

忽然覺得做人好化.... 今日爭上位, 明日可能已經唔0係度 (what I mean is, 離開公司, or even touchwood, 真係唔0係度) 講真, 有幾多人/ 事過左若多年後真係影響到自己呢? 你話影響錢財, 我諗都唔會餓得死你0卦??

想說服自己放下執著0既性格, 但係當我見到關於工作上0既人事想八卦一輪0既時候, 我就知道, 唔係咁容易。