一年一年就咁過去,我問我自己,畢左業咁多年(雖然都係三年)做過d咩,
由係機場到而家,好似無咩進展咁,以前係機場,要輪班,要挨夜,真係好辛苦,
雖然可以識到好多人,但係個d人都無咩幫到我,唯一一個就係以前既部門經理,
我真係好感激佢,佢係真心幫我,真係幫左我好多次,幫我既唔係因為我係以前
工作地方犯錯去包容我(我其實都無咩犯錯),而係當佢離開間公司(佢早走過我一年),佢竟然主動幫我搵工作(重點係我從來無叫佢介紹工俾我),一個萍水相逢既人,竟然咁幫我,又幫我記覆歷表,又幫我打電話,聯絡熟人,完全唔係為左咩報酬,目的都係想我有更好既環境,可能大家都有仔女既原因,佢特別照顧我。

以前係機場既人工,都係萬零蚊,幾少架,試問咁既人工又點養活自己同屋企人呢,唔知點解,轉左新環境後,雖然人工高左,自由左,無咁辛苦,但係對自己既人工依然係唔滿足,都係萬幾蚊,都係唔夠養活屋企人,個人開始變得貪得無厭,唔知足,一心上向上爬,一心想爬到更高既興位,一個supervisor對我來講,而家已經滿足唔到我,日日都係做d同樣既野,着西裝打領帶,以前細個就成日個得,返工着西裝既人一定好高職位啦,好高人工啦,而家緊係唔會咁稔啦,d 普通既officer都係咁打扮架啦,其實有d人會話officer有咩唔好呀?係呀,無唔好呀,我夠想做officer囉,不過係chief executive officer呢,普通既officer有咩好呀?而家自己,咩都向錢看,唔係去慳錢,成日稔點會可以搵多d,你話去買股票,一來我唔熟,所以唔敢掂囉,炒樓,有錢先得架,真係唔知點先可以再搵多d錢!打住咁多啦,隻手有d攰添,係喎,到底高生而家點呢,好耐無見佢蒲頭啦喎?