何解我咁無聊要寫我的手指甲呢？查實並唔係無聊的。

話說我懷孕約二十多週的時候，發現我對手無名指的白色指甲部分越生越低(見圖左)，而且白色部份離開甲床。當時，小菇及我的一個好同事均認為我修剪指甲時剪得太 aggressive，著我下次修剪指甲時記緊留下一線白邊。可是，我依他們的建議修剪指甲，仍然不得要領。我當時擔心得要命，因為那白色指甲部分不時有延伸趨勢，離開甲床的情況也日趨嚴重，我實在擔心會掉了整塊指甲。後來，這個情況更漫延至雙手的中指和尾指。

我上網搜尋其源由，並讀到不少文章，深信此情況是因懷孕而起，醫學名稱為 Distal Onycholysis。為證實我的想法，我帶著這些文章探訪我的 OB，但是 OB 認為此情況與懷孕無關(後來我發現我 OB 基本上否認一切痛症跟懷孕有關)，並遣返我返去睇我個家庭醫生，我個家庭醫生亦不認同我的想法，更斷定我係灰甲 Onychomycosis，又幫我驗呢驗路仲驗埋我膽固醇，話我膽固醇超標，叫我唔好食咁多油膩野。查實我係十分之唔認同醫生的判斷，因為我的指甲冇變色冇盛，靚到爆，只係指甲貼唔住甲床，醫生更俾灰甲藥水我，並著我對手唔好濕咁多水，攪到我都有點瘋癲，因為我要煮飯O架，點樣唔好濕咁多水呀？& 我飲食健康到爆，懷孕期間膽固醇偏高亦是正常現象。

無論如何，雖然醫生們認為我的指甲問題跟懷孕無關，但是我對自己的想法卻深信不疑。

時至今時今日，我生左都有一個月時間，而呢個指甲問題亦有所改善，見圖右，可謂不藥而癒。唔，我發現我有做醫生的潛質！

查實，我想同其他懷孕人士分享，原來懷孕期間有好多痛症，好奇怪，奇怪到你諗唔到。除了手指甲問題，我右手的中指和無名指在懷孕時亦變得非常麻痺，雙手更似風濕痛到死，而 OB 也一一否定這跟懷孕有關。而我自己則認為，大肚已經非常辛苦，所以我傾向將所有痛症賴落個仔度，令自己好過一點。