爸爸媽媽又o係 7 月 13 日見到 mini chicken 啦！

原來 mini chicken 已經有 8 安士重！& 身體各部分的器官都已經生長好！sonographer 仲話佢o係度打緊 hiccups！我最鍾意就係呢張相，佢打開左個口，好似好傻咁！

話說，呢排我地o係度諗緊 mini chicken 叫咩名。查實，我係諗好左一個，但小菇話唔好。所以，我又建議不如用返我個「翹」字。

我︰「如果 mini chicken 出世之後，你仍然係咁喜歡我，咁我建議 mini chicken 就叫做『愛翹』。咁當有第二個之後，o個個就叫做『愛健』，代表我都咁喜歡你啦下！」

菇︰「用個『愛』字咁怪，我提議用另外一個有同樣意思O既字啦！(諗左一大輪)我建議用個『戀』字！」

我︰「即係叫『戀翹』同『戀健』呀？超似講粗口咁 ...」 (我都差O的笑爆咀)