2008-02-29 12:59:41林姍姍
何 B 仔燈
呢個何 B 仔燈，係積奇蓮臨上機之前送俾我的，因為我地有次去行街，我見到呢盞燈，好歡喜佢！
呢盞燈經小菇改造過後，就唔再係一個裝飾品，佢終於可以o係我地屋企裡面發熱發亮！真係好靚！
仲有，積奇蓮傻婆下個星期四生日啦！唔知何解咁o岩得咁橋，話說我昨天第一次o係阿美利加打俾佢，正值佢臨上機去日本玩樂之時。在此，我祝傻婆旅途愉快、生日快樂呀！
屈指一算，我同積奇蓮傻婆已經識左差唔多十年啦！我地係 1998 年o係中大透過我地的 common friend 認識的。我記得我地第一次見面o既第一個話題，就係「吳啟華」！因為當時吳啟華o係「妙手仁心」一劇飾演的程至美醫生，確實迷到萬千少女！
後來，我地o係一個 ESL 課堂再遇，從此成為一對非常夾的低 B！
勁喎!我買個時都唔記得你地阿美利家係用110v,不過我諗加個火牛都應該ok既。其實我都唔係好明點解你咁迷呢棧燈....