唉~~最近真係有d煩到想逃走既感覺
不過真係唔知可以同邊個講
唯有係度舒發下我既感受
明既就扮唔明
唔明既就繼續唔明啦
我唔想解釋咁多啦
其實jobi結婚
最煩既應該係佢
所以希望我唔好煩到佢啦
我都知我個人煩煩地
又想同邊個邊個一枱
又想打牌又做司儀又要同人so so
其實我真係咩都唔想做
咩都唔想決定
只係想單純咁放左工黎飲
係咁二講兩句恭喜既說話
同d中學同學飲下酒傾下計咁
不過唔表示我唔祝你幸福
我好有heart
我可以係背後幫你搵資料
買花球 買紅酒
幫你諗遊戲 幫你排埋行程
以上都係我好樂於幫你做既野

只係唔想做姊妹
不過眼見其他姐妹各有各忙
我就幫手安排邊個做d咩
其實我驚佢都會覺得我太專制
好似我一個人安排晒佢地做咩
不過眼見冇人安排 冇人有意見
我又忍唔到口 加自己既意見
你知我份人啦 忍唔到唔講野嘛
冇人做我又忍唔到會做埋

又好似而家waie加埋做姊妹
而佢又真係呢方面識好多野咁
其實我真係好想讓出黎唔做姊妹
咁你就唔會單數啦 唔洗煩
不過我知我咁講一定好大獲
又會令你更煩 所以我收聲

其實我真係好唔鍾意做姊妹
唔鐘意一大班女人
(可能係唔慣 你知我都由細到大都同男仔玩多)
係一齊好似扮緊sex & the city咁
明明9年都唔見一次
都扮緊姊妹情心 我真係覺得好假好嘔心
唔鐘意安排野 唔鐘意plan野
(除非所有人聽晒我既意見 我就最鐘意啦)
(冇辦法 我係專制既獅子座 呵呵)

我又唔鐘意著果件少布到死又薄chichi既裙
你知我除左校服同制服
真係打死我都唔會著裙
佢地仲由說緊我買gridle
但係我平時連皮帶手錶都覺得箍
又點會想俾件gridle箍成日
諗起都周身唔自在
我知佢地係為我好
著左gridle可以望落瘦d
不過我唔係要自己果日好靚
只係唔想太樣衰
我從來都唔係貪靚既女仔
我只係唔想影d相出黎
會令自己睇返覺得好後悔
我唯一諗到既好處
就係俾個機會我積極減肥
做多d運動

我真係唔係唔祝福你
我埋怨咁多
唔表示我唔當你係好朋友
你識我咁多年
我希望你明白
我真心祝福你
不過我只係想用我又舒服你又開心既方法祝福你
因為每個人既表達方式唔同
希望你明白 我都當你好朋友好姊妹
你嫁我真係好開心好感動呀

好啦~~我講完 舒服晒 冇野啦
大家就當我費up
唔好當真 睇下就算啦
果日我仍然會以最high最瘋癲既我出現既
呵呵呵呵呵呵呵