見到個題目...你地應該冇諗埋一邊架可?


個Blog生機處處...全因主人疏於打理...已經基乎變成月記...實在慚愧...

呢個月...做左算係第一份正正式式GE兼職...囍館(中菜&打邊爐)...侍應...個度D同事都唔錯...
所以我都做得OK開心...唔做係因為呢期唔係好得閒...因為份工晚晚 6p.m.-10or11p.m.
時間唔多好就...所以就辭左佢算...



(囍館...打邊爐menu...間野都幾貴下...)

其他時間都冇乜野做...係屋企hea下...返兩日大陸...同朋友出去行下...

7月25日...高三(11) BBQ...青州...一定冇黑沙咁好玩架啦= ="  不過都OK啦...
集中左係食野度囉...哈...真係第一次BBQ 飽到食唔落...

7月29日...去左理工搞註冊入學...晨咁早比媽整醒去理工註冊...其實我覺得唔洗咁急...
因為佢至到夜晚8點...所以就不爽左幾句...好啦...出到門口...曬左相間相鋪又未開...
影印鋪又未開...等完相鋪開門又等影印鋪...呆企一個鐘...搞掂晒之後就上車...
點知到站落車就落雨...好彩又濕唔晒= ="  算有返d安慰....
係呢件事入面...我覺得我媽真係有d過份緊張...唉...不過改變唔到佢...
唔知佢幾時先放心d呢...



(133!!? 放心...唔洗等好耐...我都係等左兩個姐...)