持續增加……

話說重陽去阿姨家吃火鍋,吃完和彥婷下象棋,我問
我:麟麟~你要同邊個一組?
麟麟:我要同家姐一組~
我:點解呀?
麟麟:你咁勁……
我:我好渣……
麟麟:咁好啦,我幫你啦
……呆……呆……呆……
他以為他是最會下棋的人麼?還幫人咧

唔知我有冇寫過呢一篇落日記度,因為我已經打算寫好耐啦,成日返到屋企就唔記得,但一行"魚則"魚涌條梯又會記起
話說某次,有個爸爸拖住一個兩三歲o既小男孩落樓梯,個大女,5 6歲度就自己扶扶手慢慢落,因為佢落得慢d,所以係望唔到佢爸爸架,於是佢爸爸就懶醒咁......
爸爸:你知唔見我地o係邊丫?
囡囡:我知~!o係前面嘛~
爸爸:你又知?
囡囡:我o係塊鏡度睇到!
爸爸:係喎
我忍唔住無聲地笑個不停,個囡囡果然聰明丫下

某日,麟麟打電話黎問我去唔去佢屋企,因為起初我話去,後尾冇去
唔知點樣,我地講起顏色......
我:西瓜咩色架?
麟麟:綠色!
我正想開口窒佢之際......
麟麟:紅色!仲有黑色核......
唔~呢個小朋友唔錯丫下~思考周全,觀察仔細......
於是我又再同佢玩多陣
我:蘋果咩色呀?
麟麟:紅色,個皮係紅色,個支野啡色,塊葉綠色,d肉玉色,仲有蘋果骨......
我:哈哈哈哈~(我意會到佢將蘋果核口快快講錯為蘋果骨!)
麟麟:(立即更正)係蘋果核呀~~~
我笑到收唔到聲,拿拿聲扔左個電話俾阿妹,然後碌落地下度笑......


話說老媽子同阿姨返左大陸按摩......於是我就去阿姨屋企過夜睇細路
無聊間,我叫麟麟黎同我擁抱一下,我攤左o係梳化上面,佢拿拿聲爬上黎抱抱
我問:你有冇掛住媽咪?
麟麟:有
我:有幾掛?
麟麟:(懶醒咁)好似你咁掛
我:我唔掛喎
彥婷即爆笑......然後麟麟好尷尬咁離開我o既懷抱落返地玩車仔
嘿嘿!!

今日食完飯後同麟麟O係我細佬張床度玩
我細佬訓廳,有塊布用黎遮光O既
我拉起塊布就同麟麟話我地去冒險啦
佢話要"渣"飛機
麟麟:你去邊呀?
我:我要去夏威夷
當佢呼完一輪後,我地就到左夏威夷
我好入戲咁指住第二度話佢聽
O個度有靚女喎
然後佢擰轉個頭細細聲同我講,O個個咪你囉!
爆笑,我即刻笑到收唔到聲
因為O係佢眼中,我妹最靚,佢對靚唔靚分得好清楚
今天我明明同佢玩緊,要佢入下戲,答我一句:係喎~
但點知佢就好似好認真咁同我講O個個咪你囉,拜託,佢係一個會笑我有暗瘡O既人黎的
所以我都唔知點解佢忽然咁講,好唔似佢O既作風,但佢唔識反玩你轉頭的,因為佢先讀高班
不過我諗佢都勁唔好意,因為我笑得太唔俾面,仲即刻大大聲話俾其他人聽,我講時佢仲掩住我個嘴唔俾我講添丫

細佬仔就真係好坦白可愛,想點就點~
麟麟同我一齊訓O係細佬張床度,拉左塊布,當有人行近時就會有個影,我教麟麟如果有人行埋黎就要篤佢,但等左好耐都冇人行近,於是我又教佢叫"大姨媽過黎",點知佢嗌左幾次都冇人理佢,於是佢就叫:大姨媽過黎,企O係塊布前面!
然後仲問我:我咁講O岩唔O岩呀?
我又係笑到死,我鬧鬼佢:你講得咁明顯,係人都知道我地想篤佢啦!
勁可愛~

今日o係地鐵度見到一個小朋友,我諗佢3歲度啦~
佢老豆唔知同佢講開咩,我隱約聽到~
小朋友:痾屎......痾屎......痾屎痾屎痾屎
佢老豆:痾尿~
小朋友:痾屎痾屎痾屎痾屎痾屎痾屎痾屎痾屎
佢阿媽:(笑笑口)快d到下個站啦......想落車
然後斷斷續續個小朋友又講左幾句痾屎!
到站後,個小朋友又大叫:我要返屋企痾屎!
我終於忍唔住笑左出黎~~~~

據說~呢首係校車上最新興o既詞

好大陣"囉"味傳入我的鼻
董健華的屁,驚天動地
傳到摩爾哥又傳到意大利
意大利個總統以為好犀利
派三位科學家去查下咩味
原來屋企漏煤氣,問你死咪?

我錄左落電話,隨時同大家分享下,哈哈~

麟麟：我食蕉呀~你食唔食呀？
我：食呀~
麟麟：我搣左皮放入個電話度俾你食丫
我：好呀~
麟麟：假架~我呃你咋~哈哈哈哈~
我知係假呀，不過佢自己覺得呃到我之嘛~

我：麟麟你依家睇緊咩呀？
麟麟：少年刀英雄……唔係~英雄刀少年
隔左一陣~
我：麟麟依家電視做緊咩呀？
麟麟：少年刀英雄……唔係~英雄刀少年
哈哈哈哈~~~~~~講幾多次都係少年刀英雄，笑死我

我地邊傾電話邊睇皆大歡喜
麟麟：h5n1同佢(雲影姬)真係孖生一對丫,你話係咪呀?
我：哈哈哈哈~係天生一對唔係孖生一對呀~哈哈哈哈~
笑死我

我：我同家姐(佢家姐=彥婷)用個頭都可以夾爆你個頭
麟麟：哈哈~你同家姐用腳夾住我個頭
我：都可以夾爆你個頭
麟麟：可以臭死我呀~
我：哈哈哈哈~

今日同麟麟傾左半個鐘頭電話~
我：喂~你係邊個呀?
麟麟：我係細佬囉~
我：你係邊個個細佬呀?
麟麟：我係家姐個細佬呀~
我：即係邊個o者？
麟麟：彥婷家姐個細佬囉~
我：咩彥婷有家姐咩？
麟麟：唔係呀~
然後我地就笑左好耐，勁好玩勁可愛~

話說我表妹~彥婷,即係麟麟個家姐今晚要在我家留宿,麟麟知道左後……
麟麟：總之家姐去邊我就去邊
彥婷：我去廁所你又去呀?
麟麟：係呀~
隔左一陣
麟麟：你去死我都跟住你去死~
細姨：你玩野呀?
我：呵呵呵呵~

我：麟麟你好鍾意食菇菇可?
麟麟：係丫~
我：咁你愛唔愛我呀?(當時我手執一大碟菇菇)
麟麟：愛~~~
我：呵呵

我：小朋友,孤苦無依o既孤字係咩意思?
小朋友：孤字係得自己一個o既意思~
我：咁苦字呢?
小朋友：生活過得好辛苦~
我：係啦~生活好困苦o既意思,咁無依呢?
小朋友：即係無衫著!!!!
我：……

我：津津有味係咩意思?
小朋友：個個樽都有味!
我：……

我：小朋友，如果我地眼睛睇野唔清楚，要點做？
小朋友：可能係有眼屎痴住……

當我細佬同麟麟（表弟）玩木刀打交時……
我：叫阿b表哥用刀o係你肚度寫字丫o拿！
麟麟：都冇墨，點寫呀？