琴晚我又炒車..今次搞到細佬嚇餐飽又..細佬又扭親腳踝...最慘而家親正新年...無跌打開...都唔知佢到時趕唔趕得切返...我真係一個陀衰家既家姐..

而我..就無咩大外..係要係咀裡面連10幾針..有兩針都幾覺..下唇爆咀..左上眼角爆左..左邊身多處...兩邊大臀多處瘀傷...一隻牙裂左...

我真係無用..唉..明知唔夠謄渣車..仲要叫細佬教我...害到自己唔緊要..仲要害到細佬...同嚇屋企人一大餐...

準備仲好耐既小雅婚禮..辛辛苦苦等到批假...點知都係對唔住小雅....
我一d都唔覺痛..只係心痛...自己麻煩到人...

一出事個時..成口都係血..狂吐血出黎..左邊隻眼只見到血...真係可以講句血流披臉...哈哈....去到醫院...仲要等到300幾號籌..醫院呀..我可以與你永遠分離ma>..我討厭你...主診醫生又粗魯...又唔被我蓋皮...只記得d護士話...咁麻煩架...我就收工架ma..唔好理佢咯..等下一更做...咁都有...我可以點..係手術床望住大燈既感覺好難受....護士又剪爛晒我條最愛既牛仔褲..

好彩口腔醫生同我連針好快...不過唔係自己既個種感覺好難形容...咩幾多號針..幾多號線...幾多號鉗等等..好快....好快...

再去交通部..今朝搞埋第三者保險..咁就搞點...大年初一去覆診...

我而家咁既樣..連我都唔認得自己..公司應該唔會比我返工...我係度諗...係咪因為我唔o岩做銀行以外既工...定抑或係我應該只做大豐...諗返轉頭...我如果唔離開大豐...亞妹都可能會無事....細佬就更加唔會有事...

亞哥話...出事路面係天橋..唔連人帶車飛落橋..比車look過...已經好好...內臟同埋d骨無整親..頭無事已經好好...我又係度諗...最緊要細佬無事..而我好彩唔洗係塊面度連針姐...呵呵...

琴晚係醫院真係驚到好震...喊係因為擔心細佬...同辛苦屋企人.仲有妹夫>

琴晚係度諗..我係咪要辭去份工..等傷好..再搵銀行做呢....
其實搵咁多錢都係無用...自己慳慳埋..都係無情情用左去...咁不如甘心做一隻牛仔...慢慢儲錢好...但細佬同屋企又要用錢..我究竟點好...定抑或秘密打份收銀既parttime>.好呢...愁呀..

而家莫講話渣車..我而家連行路過馬路都好驚....第時份工一定要行路...

而家死過翻生...真係出竅啦...

朋友們..請不要擔心...我會令自己過得好好...