今日又可以同a小姐去行街街.可能真係友誼好深..好多時唔洗講野都唔覺得悶..返左青州..我細個個時住既地方..而家已經變左一條橋lu..裡面所剩既木屋已經很小..但係細mo仲係度做士多..仲有有麻雀檔..個時記得小學自己數學差..屋企又無電話..就係係e度入銀仔打電話去問同學仔功課.記得個時每晚哥哥都倒垃圾...個時細個覺得條路行好遠..個時真係覺得亞哥好得..唔怕黑..唔怕鬼..著住橫間背心.短波褲既哥哥永遠都留係我心入面..

話比a小姐知..e度係街市仔..有個叫張德青既醫生係度掛牌睇醫生.入面有豬肉檔..成日叫我亞媽做..亞燕亞媽..細個個時放學同媽子去街市仔買蔥..好多好多回憶..

行下行下..接受劉記..記得好細個個時都已經係度..但係個時咁窮.根本無機會去食..只記得媽子例牌..食白粥.食豬腸粉.個時好唔鍾意食..但哥哥就會同我食晒佢...哈哈..好開心.斜對面係街坊會...個時我地幾個係度law成績優異獎架...獎品係..剪刀一把..簡尺..幾支筆..同幾本筆記本..但係都唔捨得用...而家有d仲係身邊...無限回憶...係劉記前面個時係有機鋪..食晚前媽子實叫我去搵亞哥返離食飯..個時哥哥好多既兒時兄弟好多都係住青州大.所以個時哥哥結婚..真係好多感觸...

唔洗幾分鍾已經行晒成個木屋區...細個個時手短腳短...好似要行好耐咁..但成長之後...只有長存過去既時光隧道上..

又去到台山..後面有好多既特色食物..大菜糕..人生第一次煮野食既食物.哈...又有出名既雞翼面..青豆包...正宗第一檔既薑醋..夾餅..糖水..真係貨真價實...想永永遠遠留在過去既時光中..

仲記得自己有個花名叫雞毛燕.係表哥同我改既..至於點解..唔知wor..有一段時期..屋企有支雞毛掃..成日搓住黎諗..究竟我同你有咩關係呢..哈哈...亞哥仲好笑..叫光頭怪...因為無錢.唯有將頭髮剪到好短好短..所以咁叫光頭怪..亞鳳就叫卡樂b...細佬..成日喊..梗叫大喊拾啦..統稱叫10仔哥哥...全青州無人唔識我地4個..讀埋同一小學..讀埋同一中學..又乖又聽話...

我愛回憶.我愛細嚐人生百味..點滴在心頭..長流..

終於可以去新天地買筆...因為我係路痴..成日唔認得路..身邊係朋友既都知我係..路痴..一d都唔認得路架..哈..買左10幾支筆..仲有買左好多好多野..但係媽子唔領情...心淡..唉..算啦..我大個女架啦..

後尾行左個間新開既新苗...亞妹話好平.原來真係好平..但係無康師傅既無糖麥茶..可惜...分手係祐漢街市.你叮囑我..是否懂回家..我笑話我懂..在分手的路上...我看著你的背影...嗯...多謝有你..

我是否一直都令你不快樂呢...一想到這..很失落..我要改變我自己..好嗎..
隨黑色hellokitty入垃圾桶時..我已決心重新開始所有...不過我知有你支持...我會加油!!