2015-03-06 22:43:40彩霞仙子
要信自己
其實我係知道自己已經唔係好似以前咁愛佢
甚至有時會質疑自己仲係咪鐘意佢
我知道自己對每段感情都有個通病
就係覺得佢係我男朋友，我就要對佢好
但係我真係想對佢好
佢對我好好，但有人同佢講呢啲都係以前既事
宜家既佢已經係唔同以前
繼續同佢一齊仲會唔會有我想要既將來呢？
我仲係想繼續支持佢，
但係做朋友都支持到既啫
其實我最想係可以好似以前咁
仲有無可能呢？
有人叫我止蝕離場，
但我唔捨得亦都覺得好可惜，
咁多年既感情
自己付出過既心
就算真係分開，仲有無下個?佢又會點對我?
成日都聽到人講，話一段感情係會經歷幾個階段
唔會成世都係熱戀，甜蜜
捱到就會無事
我都會諗可能我地都係去到呢個階段
之後係咪就細水長流?
雖然我無乜信心，但係我都係要信自己