國哥哥講左比我知佢既近況，換句話說講，或者換個角度講，我有借口可以選擇早啲返黎。不過我覺得我早唔早啲返黎都唔係問題，最重要係唔好煩到佢，因為佢已經有好多野煩，我可以做既只係比多啲空間同時間兼自由佢自己解決。我只能幫到佢呢到，有時諗如果我可以實際啲幫到佢手就好，我乜都做唔到，我唔想佢咁大壓力，有時啲野錯有錯著啦，順其自然，無得強求。不過我都係自私既，我聽到消息之後，都唔知自己應唔應該開心，開心既係終於都等個結局仲可能係提早結束，唔開心既係，我知佢真係唔開心，因為佢覺得咁樣既結尾係做得唔好。但我會諗咁樣可能先係最好既結局，因為你永遠都唔知道聽日會發生啲咩事，你估你係拍戲咩，啲咁完美既結局真係可遇不可求，而宜家呢個結局反而先至合乎邏輯同現實。