佢係我屋企既新成員...佢叫做鼠仔...
因為佢係一隻倉鼠所以叫呀鼠...因為佢好似係男仔所以叫鼠仔...
我發現佢同我都有好多相似既地方....
我成日都見到佢係到訓覺...d 人又話夜晚係倉鼠活動既時間...但無論係朝早..中午..下午...黃昏..傍晚..晚上..深宵..淩晨..清晨...我10次見親佢...10次都係訓緊覺...呢一點都係好似我...我都唔明點解佢會咁好訓....仲有就係..我每次見到佢訓覺既時候...總係口upup郁手郁腳...好似係到發噩夢咁....佢都幾鬼鬼崇祟..同埋真係好懶..我淨係見過佢一次爬上上層...然後佢落返下層既時係唔係用爬...係直接撻自己個身落..爬都慳返...淨係呢張相都睇得出佢係鬼鬼崇崇偷蕃薯啦...一叫親佢沖涼實係瀨晒屎瀨晒尿咁...我第一次同佢沖涼個陣淨係轉左2次身咋佢...懶到喊咁滯..佢當時明明係好慌張因為我放左佢入個罐到沖涼..初初佢都不停咁望黎望去...撥下d 砂同轉左2次身..我見佢爬唔到出黎我咪安心洗個籠囉...點之佢竟然訓著左覺....佢明明係驚緊自己去左一個好陌生既地方...但佢然最後係選擇左訓覺...而唔係逃走...真係頂佢唔順..成日都好少飲水..一係就飲勁多...佢d 生活習慣同我一樣..都幾差下...我仲見到佢轉身都唔係好諗轉咋..求其轉左半個身咁就當自己沖完架勒...

宜家返工放工既時候都成日諗起佢...個心仲要成日都好擔心一返到屋企見到佢死左....真係好好好擔心..仲要係每日撘lift 既時候開緊開既時候..就會不停咁諗....可能因為以前餋死過啦..覺得自己照顧得佢唔好...又驚佢食唔飽..但佢明明已經收埋左好多野係個口到....

呢d 唔之算唔算係好似做人呀爸呀媽咁擔心呢樣又擔心個樣呢...

有左鼠仔之後我真係覺得開心左好多好多