2011-07-17 01:01:01彩霞仙子
$1050
我終於都開始感覺到呢1050蚊係用得有價值...
我第一次去見岑小姐..其實我個心都唔想佢幫我...因為我覺得自己仲處理得到,雖然情況唔好...
14號見佢個次,我竟然講我每日返工都遲到既事講到喊..唔好誤會...我唔係因為自己日日遲到而內疚到喊..只係我已經進入左一個我遲到係應份既地步...明顯地呢種行為係一種病態行為啦...我見到我自己講到喊我都好錯愕...點解要喊呢?仲要係忍唔住個種....講多幾講,其實係我自己一種補償既心態...因為我唔想返工但又唔能夠唔返所以就遲到....因為我習慣左無論幾辛苦幾困難都唔可以唔得..所以自己唔感覺到自己已經係overloading 緊...所以我先至會成日見頭暈頭痛,頸梗膊痛,關節又痛,腸道不適....
岑小姐話其實大部份患呢種病既人通常只會出現其中一種幻覺...多數都係聽覺個方面...好小會係視覺,聽覺,觸覺都會有...
佢仲話我個人好極端...而且有好多規範比自己,自我中心.對自己要求好高..聰明,執著,太理性.自命清高...
總之今次我係認同佢講既野,因為我真係咁...不過我一直都唔肯認...
我諗我要學既係接納自己既不足之處,思想唔可以再係咁兩極化..錫自己多d