2010-11-20 21:37:16彩霞仙子
書到用時方恨少
書到用時方恨少....
我公司黎左個由法國調過黎既新同事...
本來我同佢都河水不犯井水...
但由於outward bound 既關係.我地混熟左...
有一日我著左一件印左個漢堡包公仔既tee..上面有句英文係寫住"I am big!Hamburger."
佢見到就好自然咁讀左出黎..唔之點解我就忍唔住想打佢..可能我覺得好尷尬..
就係咁開始,佢見到我就叫我做hamburger...
我梗係要反擊啦.奈何我d 英文都只係有限公司...
所以我通常就會用中文係咁話佢,傻仔同死鬼佬..
跟住佢都唔弱,佢又會用法文話返我..
我地2條友就係到雞同鴨講咁互話...high 晒咁..2條友係到自我陶醉...
不過佢都真係好串,但我無咁易比佢食住既!
佢成日係到串鳩我...我都一有位就入到佢應一應..哈哈..真係快樂!
所以我諗我d 英文應該會越黎越好..法文都應該學到一兩句..