2010-10-07 23:06:01彩霞仙子
Memory
有時..有d 回憶...無論過左幾耐,幾多年.....都仍然會有好多好多既感覺
就好似周星馳d 戲咁....無論過左幾耐...
你依然會覺得逃學威龍,家有囍事,唐伯虎點秋香,係好好笑
每一次睇西遊記,即使個句對白聽左n 咁多次....但你個心都仲係會那住那住..
亦有時..有d 回憶時間唔係好長....但你每次諗返起都會回味無窮...
就好似去完旅行,渡完蜜月返黎咁..
可能只係幾日..幾個星期..幾個月..又或者係一年兩年...
返到屋企...過返平常既生活..
當睇返d 相...睇返d 紀念品..
你都會同自己講"嗯,真是一個好難忘的旅程啊!"
又有時 有d 回憶真係好討厭...尤其係一d 永遠都只能夠係回憶既回憶
就好似電腦中毒咁...剷極都仲有...就算你換左部新機,你一樣係會中毒
無論係用norton, AVG, NOD,又或者係乜叉巴斯基
任何既防毒軟件都係防唔到
永遠都係好似無事...但係突然有一日,佢就爆左出黎...
你個電腦咁就壞左兼殺你一個措手不及
然後又唔之點解..過左一陣你個電腦又會用得返架喎
解釋唔到架..好似d 靈異事件咁...
就連曹宏威都答你唔到
幾抵死
如果你有d 回憶係集齊晒呢3 樣野...咁你就會好似我咁仆街勒