琴晚坐33A 返屋企...
難得一見既熱狗車...
坐係最前最前個個位..即係司機隔離...宜家d 巴士都無晒呢個位架勒..
變左做摩打..
d 風吹埋黎好舒服...好清涼...都唔之有幾耐無試過咁樣吹風..
坐下坐下諗返起細個撘巴士d 野....
次次坐親上層都會同家姐爭住坐最前個個位...因為有得睇個司機..
宜家就鐘意坐後面近中間位...不過宜家都無得睇司機..因為好多巴士都轉左用CCTV黎mon 住上層d 乘客...
記得好細個..我諗係幼稚園放學...婆婆帶住我撘一號車..次次上親車都有好多人...好多時都係坐下層司機隔離個個位..有次我記得婆婆拎左西瓜比我食~..有一次我就記得婆婆拎左盒維他奶比我飲..但係一插左條飲管...d 奶就唧晒出黎..唧到個司機成身都係..哈哈..
讀HD 個陣撘巴士返學就鐘意坐下層太平門隔離再隔離個位...
唔鐘意坐埋邊..因為覺得坐埋邊好污糟..

其實都唔駛要咁多冷氣巴...有時吹係風仲好過..少d 廢氣環保d .