今日見完Dr. Yung ..真係好鬼驚..佢唔係講幾本或者幾份...係10既倍數....
10...20..30...甚至40...
雖然佢話journal 佔大部份...journal 頁數亦都較少...但都搵死人啦....
.....壓力...
我真係好驚壓力....
我應付壓力既能力實在太低太低...
真係既壓力其實仲未殺到黎..但當我諗到佢可能好快會黎到..就已經喊左出黎..
真係好好笑..好似打針..支針未拮落已經嗌痛...真係做定晒心理準備喎.....
佢比我心目中既要求高好多好多倍..而我亦都無諗過佢既要求係咁樣..

唔之係人大左...定係比以前既事影晌左..
宜家乜都驚一餐....驚定先...忍耐力急劇下降...

不過Dr. Yung 講比我聽.其餘6 個學生既FYP 進度..佢話有2 個係做得好快既..有2 個同我差唔多...有1 個就差過我...所以我宜家暫時係第3 名....就當佢咁講係真既先...第3 名我已經好滿足..完全係意料之外....所以都算係食屎食著豆..哈哈


雖然..有時聽到其他人既進度點點點.做好好.或者可能比人趕上...聽到都會有唔開心..
不過....我最想都係做自己既事..唔想同人比..或者同人爭...任何人都係...安份守己..對得住自己就已經好足夠..


其實呢個FYP 我真係有得著..係另一種得著...我真係見識到自己既固執硬頸..同過份直接..我成日仲以為自己好醒好識得執生.....但...過去個幾個月..話我之...我只係一隻牛...其實我做野真係好刻版...唔跳step ..係因為我無諗過我可以跳step ...例子一..presentation to sunny ....例子二..Report writing of Ch.1,2 and 3.....其實我手上既野即係summer 做既野正正就係ch.3 既內容...但我徧徧要順次序由Ch.1 開始寫...就算諗唔到點寫或者寫咩..仍然都係start from Ch.1.....因為我只係識得諗..1->2->3...完全就無諗過我係可以選擇跳左Ch.1 and 2 而先寫3 ...如果我識得變通一下既話..今日應該都會有Ch.3 比Dr. Yung 睇...

直接係因為懶...因為我懶得用腦.....亦因為自己既固執同硬頸...
但同時亦因為我直接..所以我唔講大話...所以我爽直..
真矛盾....我開始感受到呢句說話"最大既敵人就係自己..."
咁黎緊我應該要實行呢句說話"要贏人先要贏自己"...黎明不愧為金句王...但贏輸重要咩?