國哥哥同我講..佢最近少諗左我..佢話最近我係佢心目中佔左好少位置...佢竟然因為咁既事而同我say sorry ........我唔覺得係d 咩一回事..我覺得個個人都會咁...因為所有既事..其實都係一個圓圈....有高就有低...同埋人..總唔能夠一心二用..因為最近佢好專注佢既事業..

今日..佢同我講佢發夢夢見自己係到捉/追賊...已經唔係第一次發呢種夢..佢前都唔會發d 咁既夢.d夢一次比一次真實..感覺一次比一次強烈..
佢話夢醒個刻..佢真係好唔開心...明明就係伸手可及..但又變成遙不可及...個種失望同失落..真係好難形容到出黎...夢既內容咁既..是咁的..佢追賊..跑左好耐..已經有好多次差d 捉到個賊..但都比佢走甩左..終於有次捉硬佢架勒..但唔之做乜鬼野事佢自己係到大嗌跟住就醒左..

我諗佢既心情應該係好想再訓返捉返住個個賊..

佢問我有無試過咁樣...我答佢有..但我無話比佢之我個個係咩夢..我都唔敢講..我怕佢聽完會更加唔開心.....因為夢既男主角係另一個人.....
個次又係夢見一齊左定唔之好close 好close ..好似仲講晒d 咩"以後唔好離開我"呢d 骨痺兼肉麻既說話...但最後我都係留唔住佢.....我醒左....因為我留唔住佢..我都唔開心到醒左..定唔之到係我夠鐘返學...所以就醒左......是但..反正..2者既結果都係我唔開心..
個日我全日既心情都好差.....籠罩住個種患得患失...未完成既感覺....萬般無奈..亦只可以怪自己無能..明明係自己個夢..點解咁都控制唔到..就連夢都唔比我發下?..我真係覺得自己好可憐..就呢咁小小既事..都唔能夠得償所願.........................................


日有所思.就自然夜有所夢....
我覺得造夢係一種發洩,.釋放心中所想所求..但又因為平日過份既抑壓或者擠擁..令到個夢扭曲左變得唔完滿...就好似我同國哥哥個d 夢咁........

最後...講對唔住應該係我唔係你....

對唔住..