過左lu~..聖誕快樂..~!
23號前鬧交..勁驚去唔成食飯同海洋公園...好彩之後都無事..
22號晚睇到你見到張飛個一刻個樣..~..我之到你真係好好好好開心..我成功了!我都好開心..美中不足係..要唔能夠連同禮物一齊送比你..要等23號晚先至拎得..因為我無帶.

23號..早上8半鬧鐘晌..最後9半先至起身..又係好驚因為眼訓而去唔成..如果去唔成既話我真係會好唔開心..side晒我d 心機...仲有最緊要既係...你無得係d 同事面前威威.!
11點左右就入到海洋公園..但好不幸地..唔見左部相機...不過好彩既係..入面既相都已經入晒電腦..同時入面係沒有收藏任何疑似閃卡既照片..因為我地不嬲都唔興影呢類相既...大家可以放心了...好唔開心既事就過去左勒...繼續
去玩....去睇熊貓先~!
呢隻我都唔之係安安定佳佳又抑或係盈盈定樂樂....不過係後者既組合機會大d ..因為我記得安安個樣係凶d ..唔之係比咬人既報導引致我咁諗啦....
睇完熊貓..去玩玩玩...其實唔係玩左好多野..我地好似睇野多過玩咁..
我都係第一次睇個個威威劇場..以前覺得會好無聊所以無睇..但原來係好精彩的!..值得睇..不過我諗短期再去既話應該唔會再睇..因為應該係一樣架啦...不過都可以睇多次既如果夾到時間既話.....

可能因為我同呀國都唔係好夠訓..所以比較攰..又因為精神緊張搞到訓得唔好...但係都玩得好開心..下次訓夠訓足再去過

由入場個刻開始咁滯..我就已經係到話要搵個200棵聖誕樹同1,000隻啤啤熊...其實我對呢2 樣野興趣不大..搵佢地既原因只係想証明一下海洋公園有無吹水...結果.....真係無估錯...個200棵聖誕樹只有一棵係巨型size ..接近8成既都係豆0靚咁大棵...而個1,000隻啤啤熊..我真係搵佢唔到......我上巴士個陣都聽到坐隔離個行既女仔都話搵唔到...我都好想撘嗲...[[勁似呀澤...]]

6點半去到尖東.........食自助餐!!!!yeah yeah ~!..價錢我覺得都ok架...計埋加一都係400蚊一位..仲要有找架喎..嘩..聖誕節喎...6半到9半喎...尖東喎...富豪喎..差唔多啦...食物方面..佢有9個sections...不過我都唔係食左好多款咋..我呢d 醃尖鬼..呢樣又唔食個樣又唔食....佢仲要好搞笑咁...咖喱味既都有幾款.....我唔食得辣而且又唔係肥陞...都無食到...跟住乜鬼野..西蘭花xxx..然後又唔之乜野魚....沙律我又唔0岩消.......所以我真係食左好少款架咋...但係!!!!!!我覺得個到d 味道好好!!好好食!!!<--其中一款甜品....好靚~好食架呢個都..!!

食飽飽就去朗豪坊睇<<葉問>>正!我最鐘意睇武打片...哈哈同呀國第一套睇既戲又係甄子丹..
打到飛天!打到仆街!...




多謝~我好喜歡咁樣既安排..