頭先同婆婆媽媽食飯...帶左佢地去素食一家..
佢地都好似好鐘意咁..
[[出左新野...個個一口芝士條同法國焗雞肶菇都好好味!!尤其係一口芝士條..超好食!]]
婆婆食到咀"lan lan "..之後去食糖水....通常我呀婆都會阻止的..因為佢頭先話自己食飽飽..而且佢應該都會覺得浪費..但出奇地今次佢無喎!佢仲好似好期待咁..哈哈..咁我就帶佢地去石磨坊到食啦..因為有得食朱古力燉奶丫嘛!

未坐落我就同呀媽講一係就嗌朱古力燉奶.或者係食刨冰..呀婆就話唔好食刨冰..食冰有無好食呀..其實我都諗食刨冰既機會唔大架勒..又唔係熱天..呀媽呀婆d 牙唔多d 都無謂食咁多凍野...咁就嗌糖水啦..最後我地叫左熱既朱古力燉奶.熱既椰香芋泥西米露同埋芝麻湯圓.合計51蚊.佢地2 個都食到好開心..我呀婆仲話佢請食糖水..呀媽同呀婆話個朱古力燉奶好抵食..18蚊咁大碗..[[其實我覺得一般啦..可能我始終都覺得18蚊一碗食唔飽既野係唔抵既事呱..]]..總之佢地2 個就勁讚啦..我拎緊錢出黎埋單個陣..我呀婆就拎左張500蚊紙出黎..佢話都話我請呱..我都要打散佢....而且成晚除左買六合彩之外..就只係用左一蚊..就係51蚊裡面個1 蚊..因為係素食一家個陣呀媽無收到我張100蚊..

除左我個肚好滿足之外..我見佢地都係...大家都好開心..^^