我點敢嬲你呀..我嬲我自己je .你叫我唔好用d 咁既態度同你講野.對唔住我仲未吞得落呢啖氣...我有我既尊嚴..就算你對我有幾重要都好.都唔係比你揮之則來揮之則去..你有無尊重過我?.你有無諗過我?
不過你咁巴閉..你一句話你返工辛苦就大晒架勒..我仲可以講d 乜je .不嬲都唔夠你講架啦..

你從來都無為我爭取過d 乜..每一次都係臨門一腳伸返我出黎架啦..
我幾唔想幾唔願都好..我都要去習慣架啦...因為你根本就唔會為我去做d乜.
你唔想難做丫嘛.我咪唔迫你囉..我亦都無迫過你啦.你仲想我點je .
唔通次次比你踢返出黎我仲要笑笑口對你?仲要次次都當無事發生咁?
我忍到一次.忍到第二次第三次甚至n 咁多次都唔代表我次次都要去忍.要接受.


次次都係問埋d 咩我係咪好衰呀..對唔住呀..之如此類..我聽夠勒..
你問完我答完又有乜用?只係令到你自己好過d ..
唔通我答你唔係.事實又真係唔係咩?

我真係好憎你咁樣..我話之你.其實你都唔係一個好人..我咁講唔只係因為呢件事亦唔係一時之氣...

天下鳥鴉一樣黑..