3月25 日係盧建豪21歲生日....生日快樂..

老實講..我無諗過去佢個生日會架...
唔係因為唔想去唔願意去..而係我真係無諗我係需要係佢生日會出現..
因為我諗佢應該都無諗過邀請我去佢生日會.我本身又唔係佢個個圈既人

係我寫完生日卡再去完個廁所..我就醒返起:係喎..我20歲生日..佢都有黎到..
咁我諗我都可以去佢個生日會既...因為我回想起當晚..我見到佢坐左係到既時候..我諗:咦?估唔到你會黎.哈哈..唔理佢係因為我生日而黎定係其他原因啦..總之我都係有因為佢黎而開心..都幾驚喜架..

我唔之佢係點諗我啦..不過實情係..我同佢都唔算好多接觸..都係個句唔同圈..但係我地係玩得埋傾到計..點頭之交又未免講到交情過淺..酒肉朋友..我地又唔算..交心既更加唔係..如果叫做同學..我又覺得太淡..朋友又唔恰當..或者叫玩伴囉..不過唔係國哥哥個d ”玩伴”


是晚活動..我覺得都好開心架..~
玩有玩既開心..準備有準備既開心..因為感覺上我真係有份參與..我同bonnie .仲有呀銘真係洗樓咁洗..行左2.3棟架...都攞左成十張8 張卡片..
其實..我對今次既安排都滿意架..唔之其他人點諗呢..
玩既時候..分開左玩..高興亦都玩得盡興..但係宜家諗返轉頭..好似無左生日個種氣氛..哈哈..唔理啦~

生日快樂,盧建豪


另,我睇左生日卡之到呀澤唔開心..想問但係掛住玩..當我記得再問既時候我已經返到屋企..拎起電話..想打之際..不如都係算吧啦..應該係擾人既行為..我諗唔係每個人都喜歡呻..尤其係呀澤..咁耐以黎..我諗我只係聽過佢一次既混亂..算係呻呱..其實我心裡面有小小高興..因為佢同我講囉.~哈哈..
但我諗..佢應該享受安靜多過聽到我把聲..[[應該係無時無刻都係..]]
我仲想講既係..其實我唔鐘意d 人呷呀澤既醋..唔之點解