4月4日 - 朝早9點返工直到零晨4點9，亞dee稱之為史大林格勒大戰，返到屋企朝早6點始睡....zzZZZZZz

4月5日 - 晏晝2點先起身，家姐就打黎然後約左我同細佬外甥去沙田睇忍者龜，成個room百分之八十係小朋友囉，無計啦假期嘛，配音都配得幾盞鬼，楠楠話好攪笑喎，跟住行街食野，返到屋企online到零晨4點先訓....zzzZZz

4月6日 - 受難節，享受一個人的假期，去左銅鑼灣行街食野行書局，買左本推理小說’夢‧邂逅‧魔性’講一個女仔為左去殺那個男人而尋回人生既目標‥
坐向長桌度，天氣算幾好夠涼爽，呢一刻人生好似唔駛急於要做d咩野，老伯伯聊我傾左一陣，我睇書之余又睇下人地既生活從而感受一下自己。之後就應約去米高屋企玩啤局...點之.......輸突了，真係黑過墨斗 >.< 大戰至零晨6點去食下早點返歸，又係朝早7點先訓.....zzzzZZZz

4月7日 - 2點半起身，駛車去屯門準備今晚既同事bbq聚會，原本去唔成既，話驚落雨喎，最後緊係去搞搞佢啦。屯門真係第一次渣車入去唔識路，兜錯好多冤枉路約米高起龍門居既，不過我傻更更咁去左海趣坊...就等米高來。見到EO2同埋戴夢夢新城娛樂搞SHOW，睇左一陣，EO2個OTTO又真係幾風趣搞笑，ERIC幾靚仔，夢夢又比上鏡靚d～最後買齊野，等齊人就開始燒，唔該ＧＩＧＩ燒既雞翼豬扒，這一日當上了柴可夫，又唔該ＥＭＭＡ做左我既響導，最失策就係車亞鋒返上水竟然去左大埔都有既～哈。好似．．．被影快相了嗎？擔心！之後返屯門，又來世紀天仙局之人狼復仇記。同米高大戰至零晨６點，哈哈贏番～休息左１個鐘渣車入元朗開工．．．

4月8日 - 開工，中段休息左一陣only～夜晚７點８個字收工再渣車返上水，不過都係無得訓，車家姐返大埔，然後亞琪生日去左大埔ｎｅｗａｙ唱ｋ～慶祝。我，小魚，麗麗，壽星女，豬女，麗個ｆｄ好似叫亞ｂ，之後明明同誠俊哥join in～暢飲ｂｌａｃｋ　ｌａｂｅｌ～佢地飲到好ｈｉｇｈ～尤其是麗，不愧係縱橫上水粉嶺大埔蒲吧之友，同佢個ｆｄ猜果枚都未見過既，學識左猜～ＹＯ～好累唷！！搞笑佢個ＦＤ扮華仔上身，玩得之人。都累啦，豬女唔飲得學人飲，貓左。我又累喎，蝕底ｄ借左膞頭畀佢伏左２個幾鐘。玩到朝早６點搭的士返上水，豬女仲未清醒添．．．要我地扶佢返天喜樓！點之．．我又係要朝早７點先訓．．．．zzzZZZZz

4月9日 - 卒之有教好訓，並打上這篇日記，完。 p.s.打到一半 電腦自動boot機，係咪玩野呀?