有幸朋友關照，7.20晚有機會免費睇劉若英的演唱會，老實講如果要我自己俾$自己就唔多捨得la，對於劉若英的感覺就係無咩特別鍾意、但又唔會唔鍾意咁low~~~~

不過睇完之後感覺又几好wo~~~感覺好似同几多好朋友一起經歷一場有關初中、初次踏足K房的集體回憶咁。

首先唔使多講《後來》+《很愛很愛你》，你講邊個女仔未唱過先~~~~，仲有特別嘉賓小齊的《心太軟》、《對面的女孩看過來》，張先生既《愛我別走》……

而且劉若英唱《為愛痴狂》、《我等你》、《愛的代價》等等都聽得我好投入啊~~~~

雖然近几年，奶茶俾我的印象多數都係關於電影，好似《生日快樂》、《一個好爸爸》等等，不過估唔到唱足150分鐘LIVE，效果都几好，對一個年近四十的女歌手我覺得水準好好LOW。


回家途中同友人P講咗許多關於兒時的明星、IDOL、唱K會唱既歌，好似趙學而、、Kelly、關淑儀、《你沒有好結果》、「你贈我體溫、我贈你興奮…….」……..，發現原來對於每個2字頭的女孩子，周慧敏都真係一個永恆的神話，我覺得佢就好似女版既劉華，雖則良心講佢歌喉唔係特別好，但就係有本事唔會有人唔鍾意佢！而且我仲覺得佢現在俾以前更加有吸引力tim~~~~


P.S 唔係扮純情，不過我都係依一兩年先聽得明《尋開心》歌詞入面『體溫』、『興奮』既含意。