腰臀比例靚　男人至入迷

　性感的女人幾時都咁吸引男人的注視，甚至會令人產生性幻想。但姊妹們又知唔知道，係咩因素令男人覺得女人性感呢？依家就等我Lucy話畀大家知，在男人眼中的性感美人到底要具備咩條件喇！

　根據美國科學家通過對全球男性的調查結果顯示，無論邊個民族同國家，對性感女性的定義都有一皷共通點，就係性感美人必須具備三大條件，即身體對稱（身體左右比例均等）、坐圍與腰圍比例為1：0.7（即腰圍的尺寸為坐圍的70%），以及身體散發出陣陣幽香。

　對稱等於性感
　原來呢班科學家在過去十五年裏面，對女性身體對稱性進行相關的研究，將唔同女性的面孔及身體用掃描儀器記錄砜電腦內，以測定身體對稱比例。而大部分男性通過訪問後表示，身體對稱度較高的女性最能獲得男性垂青，因為在佢地眼中，呢種女性擁有無比的吸引力，亦即係男性眼中的性感。所以女性身體對稱，即與性感畫上等號。

　1:0.7黃金比例
　究竟邊類型的女性令男人覺得最性感，頓時會產生性幻想呢？而科學家一直努力嘗試用較科學的方法去尋找答案，於是以成人雜誌入面的模特兒及歷屆美國小姐的體形進行分析，結果發現呢班美女絕大多數的坐圍同腰圍比例為1：0.7，因而推算出性感美女的基本條件，就係要擁有此黃金比例，所以姊妹們要努力操Fit腰圍同坐圍喇！不過，呢個比例係因地區性而異，而中國女性的標準比例則為1：0.6。

　散發醉人體香
　最後，科學家更發現，男人在選擇女伴的過程中會本能地用鼻哥聞對方的身體，根據氣味判斷對方係咪適合自己。如女性體內分泌較多雌激素，就會散發出一種令男人迷倒的體香，讓男人覺得充滿誘惑性，繼而對女性痴迷。所以大家明白點解咁多女性出街前都會噴上大量香水，無非都係想利用身上砼香味黎吸引男性，姊妹們要學野啦！

From 20/10/07 太陽報