前晚本來出去話同肥哥哥十下十下攪生日所以出左去, 點知佢冇出現到就成班打左一晚warcraftIII, 下午先過去大尾篤之後本來話幫小厄囉winnie the pool的點知阿lu訓左, 在龍威留到十一點特然間老逗有留言, 冇理到想話打完先啦, 家姐仔打黎, 之後幾秒到阿媽, 奇怪乜事就出左門口打返比媽, 媽話阿婆可能就唔得, 叫我即刻過明愛, 我就走左飛的過去. 去到家姐仔在度, 話阿婆急救緊, 之後三臼母, 姨, 之後媽爸姨丈先後都到左, 醫生話婆可能就黎唔得啦, 過唔到今晚, 細臼父都趕緊出黎. 十二點正過點, 醫生出黎話婆已經過左身, 見到阿姨喊左出黎, 細臼夫十二點四先到, 婆最後都等唔到細臼父, 大表姨媽後尾都有過黎, 五臼在婆過左身細臼黎到先搵到, 最後都唔等佢, 將婆放在入歛房先. 醫生話婆九點幾特然急性心臟病所以情況轉壞, 十二點正式過身. 聽到婆過左身, 心情有點沈重. 自細都係比阿婆帶大, 中學先返屯門住, 其實知道婆呢幾年身體開始越黎越差所以都有心理準備, 冇喊到, 反正生活依然要繼續. 之後講到婆的身後事, 覺得自己好無力, 冇錢有起事上黎真係企在度. 而家個心好痛, 都唔知自己可以做到乜...