尋日又係悶的一天...唉...因為又係上四年班的學生呀嘛...朝早第一堂...佢地就上英文堂...噢...雖然小學學d英文真係好易...但係我唔知點解真係好唔鍾意英文...況且四年班d學生...真係對我地無乜興趣...搞到我地好似好白痴咁睇住佢地上堂咁...加上我地其中的一位同學仔又唔返黎喎...淨係得我同另一位男同學...唉...所以落堂之後...我咪走左去同副校長講可唔可以調去其他班上堂囉...跟住佢以為我同d老師學生鬧不和喎...我心入面諗...唉呀...唔係呀..係悶到我抽筋咋...放我走啦...後來...佢要我親自同班主任講...咁我梗係唔制啦...唉...好彩...十二點個陣...全校師生一齊走哂出黎練習唱葡國國歌...因為下個星期一葡國總統桑帕約來澳呀嘛...因為咁樣...時間過得不知快左幾多呀...而且我又學識左少少點樣唱葡文國歌...咁到開學個陣我就可以同葡文先生交下差呀嘛...哈哈哈...下午個陣...我地去左十一年班度上美術堂...唉...由小學到初中...美術係我最差的一科黎架...完全無興趣...好彩d學生都幾nice...不過那個死人唔知醜核突佬...猛咁聊d女同學傾計...哼...好心佢就自量下啦...講返學生d作品先...又的確係幾靚架...哈哈哈...跟住...佢地個先生又唔舒服喎...所以去左睇醫生...咁我地就猛咁同d同學仔講中文...哈哈哈...到後來直頭四點鐘就閃得添呀...正...