星期三又輪到上三年班的堂啦...又係開心的一天...因為今日係上三年班的堂...而且唔駛返下午呀...不過...今日係上三年B班的堂...一入到課室...我發現呢班真係有好多靚女...我梗係唔執輸...坐其中兩個靚女隔離啦...我一坐埋去...佢地不知幾好呀...拿開哂自己的書包等我有多d空間...原來佢地都識講中文架...不過我左邊的女仔講多d右邊的識講少d...過左第一堂之後...我發覺呢班個miss真係一個好老師...因為上堂對功課的時候...佢成時都讚d學生架...不過呢班學生又真係幾乖...上堂好少傾計...就算傾都傾得好細聲...落堂之後...我地入哂課室但係先生未黎到...其中一個女仔叫我坐佢隔離...咁我諗...同下其他同學仔坐都好呀...點知...一個講完...另外一個又要我同佢坐喎...跟住有五六個小妹妹都要我同佢坐...而且...之前同我坐的兩個靚女又唔肯俾我搬走喎...佢地幾個拉住我一邊隻手...另外幾個又拉住我另一邊手...搞到我好似「扯大纜」條繩咁...後來miss入黎...知道呢件事之後...就同我講話鍾意坐邊就坐邊喎...我梗係唔夠膽決定啦...不過當時...我真係好想同哂佢地一齊坐架...因為佢地個個都好乖好得意呀...後來...miss話要民主...抽籤決定...唉...搞到咁大件事...真係唔好意思...佢叫我個同學抽我坐邊...噢...抽到坐唔知邊個同呀邊個的隔離（呢兩位同學仔無講過話一定要我坐）...突然間...佢地d樣好失望...跟住有一個女仔仲喊添呀...唉唉唉...後來...我就呃佢地講話星期五同返佢地坐...等佢地無咁唔開心啦...