今日訓到1點30起身~
搞掂晒差唔多出門口果陣,打俾楷楷佢地~
點知佢地又未有咁快出得去,咁就同霍聰hea多陣先去~
原本諗住去奧海城碌ling,不過幾貴下~
最後就決定左去大窩口碌,果度裝修過黎,高級左~
仲有桌球台tim,$28一個鐘抵la!!
而且碌ling新加左$48一個鐘任打,如果一個人打真係幾抵wor~
碌碌下志輝同楷楷都黎左,好快就夠鐘la~
換場去篤波,丁丁同周周黎左搵我地~
篤完打多兩鋪機就搵fifi佢地la,去左荃豐食飯~
我同fifi一齊食痴心常餐,食飽就出尖咀la~
搵極都搵唔到d無嘜人既地方睇倒數,停車場都俾人封左~
最後去左碼頭同人迫,仲有一段時間先到~
就成班坐係度玩集體遊戲,差唔多夠鐘果陣大家都望住對面海既國金~
第一次去睇倒數,以前一係就係屋企睇,多數都係打緊牌~^^
倒完就去左食糖水,都幾好味,食完就去尖東坐~
有班小朋友同我地打成一片,坐到4點度就走la~
送完fifi返屋企就搭的士回家,沖完涼就同fifi傾電話~
今日唔知咩事,d人好精神,最後傾到7點先訓~^^