第１天（１１／１１）

今朝返學校早埋會，先集合等上車，同亞褚，周周佢地坐後面。岩岩上左屯門公路，亞草就打黎問我地去到邊，無幾耐小如又打黎喎。唉！！去到岩岩好１０點，搵埋杜ｓｉｒ拎野，就同冰過左標槍果邊喇。去到即刻幫翠兒拉筋，無幾耐就要返去看台睇啦，又睇亞發跳高喎，佢跳到第１的時侯，我地仲成班拍手鼓勵佢呀，最後佢跳到１．８５破記錄呀。我成日都係看台，見到好多朋友仔呀．佢地個個走黎傾左陣。１２點度差唔多開始食ｌｕｎｃｈ，食左ｄ朱灝程的『愛心沙律』，食左少少野就換３熱身，點知拉筋果陣整到左腳呀。去到起點，等左成半個鐘先比賽．見到亞ｗｉｎｇ，蘋果，我同羅雅婷都係第３組，仲係隔離線呀，好驚呀。開跑果陣，仲係跑得唔順呀，到中段果陣最到羅雅婷喇，不過都係輸少少。等結果之際，又睇下翠兒同雪雪跨，結果我決賽第４線呀，翠兒同雪雪都入到決賽，好！！到ｍａｂｅｌ跑２００啦，佢第３呀。我地好多人都幫佢打氣呀，小如都唔差，第７！！等埋佢地跑４ｘ４就搭旅遊巴返學校ｌｕ。
點知係回程途中，我暈呀，又嚇親佢地添，不過好快就無事ｌｕ，唔好意思呀。返到去學校，逗留一陣就走ｌｕ。

係呢晚，我個心真係好亂呀，好驚呀．分齡果陣我嬴羅雅婷好少架ｊａ，今次佢已經快過我喇，個壓力真係好大呀。我又唔想ｍｕｍｍｙ佢擔心，所以都無講過俾佢知，１１點就訓著ｌｕ。

如果我可以打到的話，我會繼續打埋落去