唉．．．訓左好少ｊａ，點幾先訓５點幾就起左身，因為亞ｂｅ喊呀．．．之後ｄａｄ出我出去搭火車，搭完火車再轉１０４過灣仔。去到都係６點９，係果度一個人都無呀．．．ｈｅｈｅ！我就上左亞詩屋企，整醒左佢陪我落去ｍ記食早餐，搞到嘈醒佢家姐．．．食完就返灣仔運動場，佢就返定繼續訓。
去到無幾耐就去熱身，見到欣平，勁左好多呀。檢錄果陣都係得７個人，我地就梗係開心啦，唔使跑初賽喎．點知係截檢果１分鐘，黎多２個女仔呀。落到去，見到好多愉園果ｄ人呀，跑果陣好緊張呀，跑完小組第１呀，１７秒９幾，欣平第２，１８秒頭。之後換完３上去看台，亞邦又打黎叫我落去，唔知咩事．落到去，達哥見到我好出奇呀，佢地話我跑錯線呀．．．唉！當宣讀線道無我個名果陣，即刻喊呀，喊到傻左呀，班細果陣不斷安慰我，ｔｈｘ。之後落完去睇張線道紙，好唔開心呀，上到去見到杜ｓｉｒ，佢問我：『好ｄ咪呀？要收拾心情準備下晝個決賽，成績排第２呀！』聽到之後又開心到喊呀，之後就坐左係看台溫書，ｌｕｎｃｈ果陣剩係食左個ａｐｐｌｅ　ｐｉｅ　ｊａ，好飽！
又係檢錄ｇｅｉ時間，等左好耐先落去比賽ｊａ，因為佢地話唔見左張線道紙，頂！！等左成個幾字先落去呀，換完鞋即刻比賽，突然之間好肚餓呀，跑果陣聽到佢地嗌我個名架，我都好盡力咁跑，又係輸少少，第２，都開心啦！！同初賽一樣又係慢０．１秒度，不過我都跑快左呀，１７秒５幾。上到去，已經喊唔出喇，休息緊果陣，俾人嗌左落去拎牌，好樣衰呀，過左無幾耐又要標槍，好累呀。去到亞薰標緊呀，佢第２，輸左俾趙家鳳０．幾米ｊａ，好險呀。到我標果陣，無力呀．．．亞冰第４。之後就搭１０４落旺角，去左旺中行一陣就搭火車返上水ｌｕ。返到去時間岩岩好食飯，之後拎個牌俾ｍｕｍｍｙ佢地睇，佢地都話個牌好靚呀。玩左３年，終於拎到分０個人牌喇．．．ｄａｄｄｙ佢地話下次一定會去睇我跑添呀．．．．

返到朗屏，睇埋天國的階梯，即訓呀。

真係估唔到我．亞發同肥ｂ咁岩一齊都拎銀牌呀．．．我相信杜ｓｉｒ會幫到我地，下次我一定要拎金呀，ｋａｋａ．好似係度發緊夢