因為上年既黑暗二月既關係,令到我係近依一排個心情其實真係好down,係每一晚我都會好不其然咁諗返起同麗玲既快樂日子,同埋係失去左佢之後果一段黑暗既日子,令到我好多時都提唔起心機去生活,雖然我已經好努力咁去淡忘對佢既咁感覺,但係佢對我既影響真係好深好深...唔知係咪因為臨近情人節既關係,近排好多人都走黎同我講做乜唔搵返個女仔拍拖呢,唉...我鐘意親既女仔都係冇可能會同我發展既,唔係有男朋友就唔會睇我上眼,好似Venus咁佢根本就唔會對我依個死0靚仔,唔通真係求期搵個咩...
今日心血來潮,走左落黃埔睇左我恨左睇好耐既《緣份精華遊》,原來我夠分去換免費飛,但係我唔記得左原來我張memder card仲係伍嘉敏到,唉吔!!蝕左!!要比五十蚊入場添....
不過依套戲真係完全冇令我失望,尤其係琦溫絲利飾演既Iris,真係令我好有共鳴,一個傻傻咁既暗戀一個唔會愛自己既人係最賤既,單思病係最痛苦既病,因為佢係唔會有病假同醫療福利...依套戲仲令到近排低落心情既我,終於都可以一掃而空啦...散左場之後我個心情真係好左好多,成個人都好似輕鬆晒同埋覺得真係好舒暢...我諗我應該會再買隻DVD返屋企睇...

P.S.下個星期好鬼忙呀!!!