今日因為覺得唔想留係屋企既關係,所以就上左UA個網睇下有乜戲睇,咁啱比我睇到《決戰偷心男》仲未落畫,又啱時間,就即刻坐火車出去睇....不過因為未夠鐘入場既關係,所以去左去書睇下有冇啱心水既旅遊書,哈有收獲,可以開始準備我兩日一夜既《廣州之旅》...
依套都算係韓片中既異數,因為大多數既韓式愛情片都係催淚彈,令人要淚灑當場咁,不過今次既《決戰偷心男》就用愛情喜劇既形式拍攝,孫藝珍唔再做乖乖女,反而做一個夜夜笙歌既潮女,不過都做得幾好....成套戲都好好睇同好好笑,令我成場不笑聲不絕,由其以《電車男》式既短訊字幕,令我印象深刻。

今日成日我都只係用左$57,仲要其中有$48係本旅遊書既....
《下一站廣州》...$48
《津路烏龍茶》...$9
《決戰偷心男》...$0
車費........$0
_____________________
$57
=====