那個人

實在好耐好耐無打新聞台... 因為一個「懶」字，功課唔算多工作唔算忙，不過仍然日日都唔係好夠訓... 原因又有幾個：

一）恐怖熱線改左節目內容，質數大大提升... 晚晚聽到兩點幾...
二）近排又愛上玩即時戰略遊戲，成日同朋友玩到唔停得手。
三）放學時間為10:30.... 番到屋企平均時間為 11:15...

眼袋越來越深，頭髮長左都懶得去剪，鬚根長左都廢事剃。開始出現《功夫》入面星爺既做型...

七月尾迫近，我又開始要學哈利波特咁稱呼「那個人」，「那個人」又於7月28日出碟了，佢每次出碟我都麻煩多多，因為身邊個D好老土既朋友又係時候將我同「那個人」作比較，好彩「那個人」產量不多，一年只出一碟... 如果唔係就煩足成年！

我決定要早於「那個人」出碟前去剪左頭髮先... 因為我個髮型師成日以將我個頭盡量剪到同「那個人」相似為榮，然後就好似好威咁講：『你睇，成個「那個人」咁！』... 我要再三強調！我每次都只係叫佢唔好剪咁短同埋剪個唔使梳頭既髮型就ok！

希望佢今年一係剃光頭，一係留長頭髮咁就好囉...

21.07.2004
白羊