忙

又搵呢個字做題目，大家大概都諗到內容會幾有趣. .. .. . . ..

無錯... 近排的確係好忙好忙～ 忙到連留言版比呀Panda2小姐話「好"狗"都唔update一下」都仲未有時間update.....

呢排都真係忙到隻狗咁... 工作排山倒海咁出現，日日OT不在話下，放工之後返夜校真係有D想死，因為實在太~~~~~~ 眼訓... 結果往往難逃"Discovering Design thru 19th century Art"幻燈片觀賞還節中訓著既命運...

我諗我真係唔係好夠訓，因為我已經又再次發現自己聽唔到鬧鐘聲... 而家日日番工都遲到... 睇來自轉工之後就退左休既Morning娘都係時候要復出......

至於跆拳... 而家差唔多兩堂番得一堂，堂堂番到足既呀聰技術好可能已經開始拋離我.... 我見佢對上一次壓腿時已經壓得好低...

唉～ 總之呢排真係有D應接不暇...
你睇我收呢篇文個尾收得咁求其你就知...

白羊
19/03/2004