附圖幾隻手錶係Sanrio公司唔同年代所出產，因為價錢較一般精品高，所以青蛙仔都甚少會購買Keroppi手錶，但其中兩隻行針錶是朋友送的生日禮物，青蛙仔當然非常欣喜，亦會久不久拿出來戴，而另一隻跳字錶，明顯是模仿【卡西歐】的設計，當年因為電影【生死時速】而幾乎全世界都流行了【知叔】手錶，亦有不少女士喜歡有色彩的【Baby知】，當時Sanrio亦替Keroppi出產了同款跳字錶，青蛙便忍不住購買了。

其實青蛙仔這麼多年來擁有不少手錶，大多是別人送的禮物，雖然每天都不可能沒有手錶，但近數年的九成九日子都是一隻【卡西歐】鋼帶跳字錶走天涯, 陪伴青蛙仔四處去旅行, 所以如果有人問一隻【金撈】定係呢隻陳年舊錶好, 青蛙仔會寧願唔要【金撈】, 可能係因為重感情吧!

剛才提及【每天不能沒有錶】, 相信都有好多人會同青蛙仔一樣, 當沒有戴錶的時候就會發覺原來自己整日都會隔一段時間就會看錶, 不過近年手提電話的功能日新月異, 很多人都會用電話來代替手錶, 不過青蛙仔仍然喜歡有手錶在手腕的感覺, 不知大家又如何呢? 有幾多隻錶? 有那些是有記念價值呢? 不妨告訴青蛙仔!

P.S.(唔知大家有無發覺, 通常行針手錶的廣告, 手錶顯示的時間都會在十點零八九分左右, 到底有無人知道係為了行針角度的美觀, 還是別有用意呢? 煩請高人指點一下!)