最近的心情實在是較反覆, 每每可能因小事也很易發大脾氣, 就前2天跟"佢"吵了一頓後令我個人既思維突然出現了一點改變, 希望可以把更多時間投入去現實生活當中.....

因為現在的工作確令我有點透不過氣來. 公司cut人, 公司工作量大增, 無人工加, 還要有時應酬一些無理的客人....回到家通常都會做家務, 當然還要哄一下我女人這個環節呢, 其實最辛苦的還是整天的工作, 精神上的辛苦可能還要我年輕時做苦力更辛苦, 令我滿腦都是客人和工廠的問題, 生意難做之時個個都係講求"快", 即係最好客人當天中午問你既野, 你3:00前要回應, (喂, 大佬呀, 中間食lunch都無左成個鍾, 即係叫我同工廠都唔好去食飯), 現在工廠因為70%是美國客人, 所以割喉搶單, 樣樣都話要搶倒單為目標, 我一個人背住10幾個客, 有時公司個阿經理仲會出下差, 我都要睇埋佢o的香港客, 大大話話有時一日可有20幾個客搵你, 仲要客人公司分開幾組人搵你, 都唔好話唔過癮, 個個問野都話要快回覆, 跟住又要睇e-mail, 工廠另一邊又叫你去接單, 有咩方法有時唔會用埋個晚上既時間料, 工廠既思想係一黎可打好關係, 二黎同o的客飲飲下酒可能人地自己公司既秘密野都可能索倒返黎 (咁事實又真係倒唔少料).....結果有次真係連個客公司o的賣價同客名都知晒.....我有時都唔知其實家陣既市真係差都迫人去死, 家係我呢行係咁, 我見o的成衣客人就算係高高在上既經理都要晚晚做到成10:00幾, 為咩......唔通我入錯行? 由工廠至客人個個都做到仆街......

工作上既野盡左力便可以了, 因為我有時都會發現因工作做到唔記得左日常自己生活上要僱及既野, 好似有時我要去hosiptal接我女人我都可以做到幾乎唔記得左, 有時我媽或者朋友日間搵過我都可以完全無左印象, 反而o的客搵過我都仲會記得 ...其實唔知係我老左, 定係真係社會既問題.....所以我都係唔想放咁好心機落現在份工作, 現在的朋友唔係結晒婚就係失蹤左, 可以咁講, 工作上既壓力分享既人都真係無咩, 我又唔想成日講公司既野比"佢"聽, 因為我習慣左, "錢"同"工作"都唔會同自己女人分擔.....更何況現在"佢"的情況, 我更加要集中多一點精神落佢身上, 時間都要可能地抽多一點陪佢....

面對我心愛的女人痛楚的樣子確不好受, 時常好像不知可做什麼, 除了做家務外, 我也不知能幫上什麼, 但好奇怪地, 我這個少爺仔脾氣既性格, 不經不覺很快便習慣了整天做不停的生活, 說實話辛苦是有的, 也發覺心中沒有"怨"的感覺, 相反現在的生活反覺是值得和開心, 因為我見佢個開心樣時, 我同樣都開心起來....辛苦也值得....因為佢笑時個樣真係好可愛....但係佢嬲時個

說回要更投入現實生活, 今年我不一定要減肥 (實在太肥, 成160磅), 但至少我會改變一下, 去下照燈晒黑佢, 聽講照下UV都可以剎菌, 跟住會日日做返o的運動去強身, 因為家陣一生病就好長時間, 初四到家陣都仲有o的病緊, 真係怕左, ....我一病, 我身邊的人由誰去照顧....所以最近發現, 我有時不開心一些不現實的事, 倒不如去加快我現實生活的進度, 身體好了, 可能記性都會好返, 更可能又再次可以分身去寫野, 跟住收入多左, 下年的大計希望可令我生活上有新突破....