開左學都成個星期有多啦，我都仲未融入到，仲係好唔慣，除左坐係我隔離既ｓａｎｓａｎ係識之外，其他都唔識，連名都唔知係乜，有時想叫下佢地都唔知叫乜好，有時真係叫：「喂~~喂．．．我叫緊你呀．．」真係叫多幾次都唔敢，話晒人地有名架麻，成日係度''喂喂喂''，''喂''狗咩，我都唔好意思啦~~~~有時上堂佢地冇端端笑，我都唔知笑乜？！又唔知有乜好笑喎..真係超級無聊！唉~~睇泥要適應呢班人都真係仲有一段好長既時間......
　　有時候我去度高三既課室，睇到佢地攪既活動，返到同一個課室，個感覺好似返返上一年咁，好多人，好好玩，可惜我已經唔屬於呢個班。今日我地班講去旅行o的野，去兩日，我真係諗過唔去，因為即使去邊度，對於今年既旅行我既期望並唔高，反正我一定唔會ｅｎｊｏｙ今次既旅行，但係如果係同我上一年既同學一齊去，即使係去黑沙，只係玩半日，我都會好開心，因為我跟本唔會在乎地點，我在乎既係上年高二既同學......
　　望到高三乙既課室，我會有一種心酸，無奈，想哭既感覺，果種感覺真係唔可以用筆墨形容。我今日我俾人話我，話最憎ｄ冇信心，自我放棄既人，我想同你講，我冇放棄，但係我需要一段好長既時間俾自己攪清楚我自己既方向，你唔係我，你並唔了解我，你又未試過，你點知我身處係ｄ乜既環境？！我應該點樣適應，點樣去接受我自己，係呢個時候，我真係好亂......
p.s.我相信，如果你係我，你一定比我消極得多.....13/09/03