新年過後，除左係一年既新開始之外，亦係下學期既新開始，新一年，新開始，我亦都希望自己都要有新改變，當然係變好啦！至於點變呢...我都唔知，但係我都知道自己係讀書上既缺點...希望我改到啦！因為一個人要改變都唔係一時三刻既事吧！
　　至於返學既第一日，同之前唔同，係新春團拜，最特別既就係今年唔係只攪兩堂，今次學校會係用全日去攪，朝早可以四處去，去唔同既班房或者可以同先生拜年，之後就係團拜既高潮，就係燒炮杖啦～！到左下午，會係餘興節目，就係一些攤位活動同競技比賽，至於攤位會有什麼攪作我就唔多知啦～我諗大概會有野食買，有遊戲玩，都差唔多架啦～因為時間唔多麻考完試就立即放假，放完假第一日就係團拜，所以預備時間唔多，但係應該唔會太差掛~~=.=|
　　係～順帶一提，今日我同我阿媽一齊買花，係果度我睇中左一盆花，我突然好想買佢番屋企，之後得到阿媽同意後就以十蚊買左佢番泥，哈～你地估唔估到呢盆係咩花呢～係一棵　向　日　葵！（01/02/2004）