前幾日，我得到一個教訓，我會好好咁記住今日，以後都唔會忘記......
　　係果日，滿心歡喜既我諗住同我ｄ同學仔一齊北上，因為上學期既考試都已經完結，諗住一齊輕鬆下，當我地走到一檔有一ｄ首飾，就走左埋去，但係因為太多人，於是我就將我既袋放左係後面，冇幾奈我就警醒個袋唔應該放係後面，跟住我就立即放番係前面.....之後我就發現個袋俾人拉開左......之後我就蠻冷靜的同秀霞,符b 講：「我唔見銀包。」
　　其實當時我好亂，話我冷靜倒不如話我唔知點反應好，估唔到今次俾人偷銀包果個係我...其實銀包入面唔多錢，買完野後剩番廿蚊，除左張身分證，仲有圖書証同學生証.....呢ｄ野都可以用錢換番泥，但係...係銀包入面，仲有ｄ野係唔可以用錢去衡量，我細個時候既相，我老豆係日本買俾我既學業符，我同阿琪仲有penny映既貼紙相（係penny生日果日映），仲有我同其他人既相...仲有一樣.....就係係高三宿營既時候收到既祝福(可能你地都掉左....但係我仲有keep 起佢地)，而個銀包都係前幾年既有日禮物，呢ｄ所有所有既一切，都已經唔可以用錢買番泥......我真係唔知應該點做好......所有我覺得唔可以唔見既野都放係銀包入面，依家就一次過冇晒.....唉，都唔知點接受好，所以今日我就狂做野，希望可以忘記佢地.....（19/01/04）