有一段日子都冇寫過野啦,終於都可以用番雙手打字,好開心!
就係因為咁,呢排日日都去街,真係去到我自己都攰啦,但係去親街都唔知做咩,都唔知為左咩,你話讀書就為左出人頭地,上網因為想睇野,但係日日咁去街又係為左咩呢?無無聊聊咁,但係又幾開心喎,真係唔得你死!
呢排好習慣咁成日去張安妮姑媽屋企玩,因為個度無人呀嘛,成日同佢地一齊,得閒就係度吹下水,唔得閒又再約時間幾時去玩,真係好似一家人咁,好奇怪.....咁樣我地就日日咁係埋一齊,呢d就係友誼,我唔知,或者呢d只係人係悶既時候所諗出黎既玩意,或者我地一d都唔熟,只係冇人可以同地玩,所以先搵左呢班人一齊玩,我唔清楚,我唔知,我都唔想知,唔想清楚,我只係想開開心心咁過埋呢d日子,過埋呢幾個月,一切都會改變,陌生的分開,老友的分開,甚麼都不會留低,但係.......至少,我記得今日呢一刻............